Imaxe de The Wave, en Coyote Buttes.

Agora que xa sabes que é a marca persoal e por que é importante para ti traballala, indícoche unha serie de pasos que te poden guiar para traballala de maneira efectiva.

Como traballar a túa marca persoal?

A marca persoal é o resultado final dunha serie de accións que fas cada día.

Sabías que … ?

O proceso que segues dun xeito consciente co propósito de traballar a túa marca persoal denomínase branding (moitas persoas non distinguen entre marca persoal e personal branding).

Para traballar a túa marca persoal suxíroche que adiques o tempo necesario a respostar algunhas preguntas, xa que así tomarás consciencia de onde estás e a onde queres chegar, algo de suma importancia para a túa marca persoal.

Ten en conta que son só algunhas das cuestións que podes plantexarte. Non deixes de facer calquera outra reflexión que consideres oportuna.

  • Defínete e descubre as túas principais cualidades.
    Resposta a preguntas coma estas:
    • Cales son os teus valores?
    • Que se che dá ben (que habilidades tes)? E non me refiro só ao aspecto profesional.
    • Que traballo estarías dispostx a facer sen cobrar? que che apaixona?
    • En que medio te sentes máis a gusto?
    • Que persoas son referentes para ti e por que?
    • Cal é a túa historia?
    • Que che diferencia dos demais profesionais do teu sector?
    • Por que ti es a mellor opción (que beneficios ofreces)?
    • Como conectas emocionalmente mellor coas demais persoas?


    Faite as preguntas que consideres necesarias para poder ter unha imaxe real do teu verdadeiro “eu”.
  • Concreta os teus obxectivos.
    Debes planificar! Fixa obxectivos cualitativos e cuantitativos que sexan específicos e medibles.
    • Que obxectivos persegues que fan que precises traballar a túa marca persoal?
    • Que palabras queres que estean asociadas a ti? (fai unha listaxe cuns poucos adxectivos, verbos, substantivos, cos que te sintas identificadx).
    • Que mensaxe queres que transmita a túa marca persoal?
    • Que medios vas a utilizar?
    • Que ferramentas podes empregar?
    • En que momentos levarás a cabo as accións publicitarias?
    • Con que contactos contas?
    • Como te ves de aquí a uns anos?

  • Decide quen é a túa clientela ideal.
    Colócaa no centro do teu proxecto e diríxite a ela coma se a tiveses diante.
    • Que cualidades aprecias nos demais?
    • Que cualidades non che gustan?
    • Cal é a maneira de expresarte (o ton) na que te sentes con máis comodidade?
    • A que valores, cualidades ou emocións queres que te asocien?
    • Que uso fan de internet esas persoas (uso de redes sociais, comentarios en blogs e foros…)?

  • Averigua quen é a túa competencia.
    Non esteas máis pendente dela ca de ti mesmx, pero obsérvaa porque das súas accións podes extraer información valiosa.
    • Cal é o teu nicho de mercado? (Lembra!, sé o máis concretx posible.)
    • Como de concurrido está?
    • Que posición ocupas na mente dxs consumidorxs respecto á túa competencia?
    • Cales son as debilidades da túa competencia?
    • En que es diferente á túa competencia?


Isto é importante: Se coherente!
A cada nova resposta, repasa de novo todas as demais e asegúrate de que mantés unha coherencia.


Unha vez que teñas claro cal é o teu verdadeiro “eu”, cales son os teus obxectivos, a túa clientela ideal e a túa competencia, pasamos a darlle forma á túa marca persoal.

Para elo eu divido as accións en dous bloques:

A miña marca: parte gráfica
Parte gráfica da marca persoal.
  • Naming.
    É o proceso que segues ata acadar o nome da túa marca.
    Ten en conta:
    • Que sexa breve e simple, doado de pronunciar e de escribir, que soe ben.
    • Que sexa sinxelo de recordar pero non por elo moi obvio. Diferénciate dos demais fomentando a curiosidade.
    • Que non teña connotacións negativas.
    • Que conecte ben co teu logotipo.

  • Identidade visual.
    Para creala debemos considerar:
    • Logo. Procura que o nome da túa marca estea en sintonía co logo.
    • Gama cromática. Non utilices demasiadas cores, e usa sempre as mesmas.
    • Familias tipográficas. Elixe os tipos de letra que utilizarás (mellor non máis de 3).
    • Recursos visuais. Usarás fotografías, imaxes vectoriais, vídeos, …? Decide que elementos visuais utilizarás e de que maneira.

Marca persoal: parte non gráfica.
Parte non gráfica da marca persoal.
  • Ton de voz.
    De acordo á tua personalidade (valores, forma de pensar e expresarte…), elixe a maneira na que te dirixes ao teu público: como lle falas e como lle escribes.
    O ton debe estar presente en toda a túa comunicación (web, redes sociais, anuncios, correos, chamadas, rotulación, etc.).
    Axudarache a destacar entre os demais: se os demais gritan, ti ponte a cantar!

  • Posicionamento.
    Unha vez que sabes cal é o teu público, debes decidir que posición queres ocupar na súa mente.
    Que estratexias de posicionamento hai?
    • Por calidade e/ou prezo: Se queres que te asocien á mellor relación calidade/prezo, á mellor calidade, ao prezo máis barato…
    • Por atributo diferencial: O teu produto/servizo ten unhas características que non teñen os da competencia e iso é o que vas a destacar.
    • Por competencia (ti coma retador): Compara o teu produto/servizo co da competencia e destaca as túas vantaxes.
    • Por competencia (ti coma oposto): Destaca o que é diferente do teu produto/servizo e por que é mellor.

  • Lealtade á marca.
    Procura que a túa clientela, proveedorxs e traballadorxs estean compremetidos coa túa marca. Isto permitirache:
    • Prolongar a túa relación con elxs.
    • Maior liberdade para facer cambios (por exemplo nos prezos).
    • Conseguir aliadxs na promoción da túa marca. O boca a orella segue a ser a mellor estratexia de marketing que existe.

  • Arquitectura de marca.
    Se traballas con diferentes liñas de produtos ou servizos, deberás ter en conta cada marca e decidir de que maneira traballar con elas:
    • Modelo monolítico (Virgin).
    • Modelo de marcas independentes (Inditex).
    • Modelo de apoio de marcas (Honda).
    • Modelo mixto (Nestle).



Na vindeira entrada rematamos esta pequena serie sobre a marca persoal vendo unha serie de consellos e ferramentas que podes utilizar para poñela en valor.

Foto: Daniel Knieper
Imaxe parte non gráfica: Freepik